Die vraag is nie het jy lief nie maar hoe het jy lief?

Ek moes eenmaal luister na iemand wat twyfel aan sy liefde vir sy vrou. “Ek is nie seker of ek my vrou liefhet soos wat die bybel sê ek moet nie” was sy woorde. Hy het na my gekyk vir raad maar my antwoord hierop het my bietjie laat dink.

Daardie dag toe ek my vrou gekies het was dit nie op grond van die fisieke nie maar op grond van die feit dat ek geglo het dat God gesê het sy is die een. Ek het oor my verhouding met haar gebid en gevra wat ek moet doen. Ek was onseker. Daar was duidelike redes om my te laat terug deins veral omdat ek straks uit ‘n egskeiding gestap het en myself belowe het NOOIT weer ‘n huwelik nie. Ek het my fair share van die huwelik gehad. My drome oor kinders sal dan maar ook nou eers moet bly. Heel anti-huwelik! Maar my antwoord was duidelik – “sy IS die een!”

Sover my gebrekkige woord of bybel kennis strek beskryf God se woord presies hoe ‘n man sy vrou moet lief hê. In Efesiërs 5 staan dit duidelik dat ‘n man sy vrou moet lief hê soos wat Christus die kerk lief gehad het en dan ook so lief soos wat hy sy eie liggaam het. Ook gee die woord ‘n duidelike beskrywing van hoe liefde is. In 1 Kor 13 word daar mooi beskryf watter eienskappe die liefde het.

Maar nou weet ek ook dat toe die bybel geskryf is het die grieke die woord “liefde” in ‘n besonderse manier gebruik het. Daar is nie minder nie as 4 verskillende tipes liefde wat in die griekse taal onderskei word. So wanneer ‘n mens oor liefde in die bybel lees moet jy eintlik baie mooi gaan seker maak van watter liefde hier gepraat word. In Afrikaans en Engels is liefde gelyk aan liefde. Maar in grieks is dit ‘n heel ander storie.

Daar is vier woorde wat in grieks gebruik word om liefde te vertaal en kan as volg uiteen gesit word:

1. Phillia liefde                - Liefde tussen familie, broederlike liefde, liefde vir “close” vriende
2. Eros Liefde                - Intieme of romantiese en seksuele liefde tussen 2 mense aangetrokke tot mekaar
3. Storge Liefde              - Liefde “affection” of “fondness”
4. Agape                          - Goddelike “selfless” liefde

Ek wonder nou al geruime tyd oor wat die bybel sê oor “eros liefde”. Noem, beskryf en maan die bybel oor hierdie tipe liefde waarmee jy jou vrou (en niemand anders nie) moet liefhê? Na ‘n internet soektog het ek nogal ‘n hele paar interessante feite teë gekom (of dit alles waar is weet mens mos nie aldag nie). Onder andere dat die bybel geensins melding maak van “eros” liefde nie. Die boek Hooglied beskryf duidelik die liefde wat soos  “eros liefde” klink maar dit noem dit nooit só nie, ook sê dit nie “dis hoe man en vrou mekaar behoort lief te hê nie”.

Wat my nogal onkant betrap het en interessant is, is dat Eros, ‘n god uit die griekse mitologie was. Hy was die seun van Afrodite (godin van liefde) en Ares (god van oorlog). My vraag is nou: Kan die benoeming en koppeling van “eros” aan die liefde waarvan ons in die bybel lees, reg wees? Dit laat my wonder of eros hoegenaamd ‘n plek het as dit by die bybelse beskrywing van ‘n huwelik en die liefde tussen man en vrou kom? As dit nêrens in die Woord opgeteken is of genoem word nie maak dit my senuweeagtig. Kan dit wees dat “eros” liefde bloot uit die grieke se wellustige en beheptheid met die seksuele ontstaan het? Kan dit wees dat  dit (eros liefde) nie oorspronklik enige plek in die geskiedenis van menswees het nie? God het vir die man ‘n helper gemaak wat hom moet help om onder andere te vermenigvuldig. En die man moet vir hierdie helper lief wees. Maar hoe? Hoe moet ek as man my helper liefhê?

So lief soos Christus die kerk lief het

Volgens Efesiërs 5:25 moet mans hulle vrouens liefhê soos Christus die kerk lief gehad het! Wat beteken dit? Dit beteken tog nie Christus smag op ‘n eros manier na die kerk nie of na ons wat die kerk is nie? Dat dit ‘n agape en phillia tipe liefde is waarmee hy die kerk liefhet maak mos meer sin. So as Paulus sê dat die mans hulle vroue soos in Efesiërs 5:25 moet liefhê is dit mos met ‘n phillia en agape liefde?

So lief soos vir jou eie liggaam.

Paulus sê in Efesiërs 5:28 dat jy jou vrou moet liefhê soos jou eie liggaam. Dit beteken vir my die volgende: As ek my eie liggaam liefhet, is dit nie met ‘n eros liefde nie. (Dit sou ‘n klompie nare dinge impliseer…) Om my liggaam lief te hê, is om die “vessel” wat my gees in hierdie wêreld huisves, ten alle koste te beskerm. So die “body” of ‘entity” wat my gees gebruik om in te bly, moet ‘n geskikte en perfekte plek wees om die gees te transport. Ja mens kan seker sonder ‘n liggaam klaar kom maar nie in hierdie wêreld nie. In die geestes realm ja. (Tensy jy natuurlik een van hiedie astrale projeksie toertjies kan doen en ‘n ewigheid daarmee volhou).

So my liggaam is van kardinale belang om my wedergebore gees of nie-wedergebore gees te dra deur die wêreld tot die dood. Ek sal ten alle koste dus probeer om my liggaam te beskerm en op te pas om so dus my gees se blyplek te beskerm. Die “veg of vlug reaksie” wat te sien is tydens ‘n noodtoestand waar ‘n mens of sal veg of sal vlug om sy lewe te beskerm of dan, sy gees se “body” aan die lewe te hou! Jy het natuurlik ook die keuse om NIE na jou liggaam te kyk nie. Wanneer jy jou liggaam doelbewus skade aan doen soos om dit af te skeep en te rook en dit met alkohol te verdrink stel jy dus jou eie gees bloot aan die moontlikheid om sy huis te verloor agv bv. ‘n ongeluk of siekte. (Is dit nie waar die gesegde “Gesonde liggaam huisves ‘n gesonde gees” vandaan kom nie?)

Onthou nou dat die woord sê jy en jou vrou sal EEN word. So jóú liggaam is haar liggaam en haar liggaam is joune! Só, om na jóú eie liggaam te kyk en dit te beskerm en te vertroetel, is om altemit na haar liggaam ook te kyk en op te pas - dus het jy haar so lief soos jou eie liggaam.

Waar kom “eros” dan in die prentjie?

My enigste verklaring vir waar “eros’ dan vandaan kom is dat wanneer ek my vrou op so ‘n manier lief het soos hier bo beskryf staan, kan dit amper nie anders as om “eros” voort te bring nie. Die probleem wat ek egter hiermee het is dat Jesus NIE “eros” liefde gevoel het vir Sy kerk en for that matter vir enige ander mens nie. As Hy sou – is dit elkgeval nie opgeteken nie!

Ek wil om hemels naam NIE die belangrikheid van “eros” liefde wegmaak nie. Behoed my! Maar my boodskap aan jongmense is dat “eros” liefde, heel laaste op die lys moet staan wanneer jy na ‘n vrou kyk om oor die drumpel te dra! As ons dit hou soos die bybel dit voorskryf moet ons baie mooi gaan kyk hoe ons ons vrouens moet liefhê. Eros liefde vervaag oor die jare en soos jou liggaam oud word, terwyl die ander tipes liefde gewoonlik meer intens raak. Mits dit natuurlik WARE liefde is. Indien hierdie ware liefde nie meer intens raak en groei nie, kan jy maar seker wees dat die verhouding op die verkeerde liefde nl. “eros”, gebou is en NIE die liefde wat jou ‘n ewigheid hou nie!

So my vraag is: Kom “eros” liefde werklik van God af of is dit die term wat gebruik word vir iets wat sy kop uitgesteek het na die sondeval? Is dit nie dalk ook een van die dinge wat die mens reggekry het om heeltemal te verdraai en te mismaak nie? Ek wonder baie hoekom het Adam en Eva nou eintlik skaam geword oor hulle naaktheid na die sondeval? Het dit nie dalk iets hiermee te doen nie? Die liefde wat aan hulle voorgehou was deur satan, was toe nie die “devine love” nie, dit was toe al die tyd “eros love”…

My laaste vraag: Hoekom is dit juis “eros liefde” wat veroorsaak dat so baie huwelike tot niet gaan? Dink gou mooi daaroor, as iemand binne die huwelik verlief raak en lief raak vir ‘n ander persoon buite hulle huwelik en seks sou hê, is dit heel moontlik “eros” waarvan ons hier praat. Die ander liefdes tipes sou mos nie dieselfde vrug afgee binne ‘n huwelik nie? As ek iemand liefkry met ‘n agape liefde en phillia liefde al is dit buite my huwelik sou dit steeds uitloop op owerspel? Sou WARE Goddelike liefde só iets doen? En as ons sê dat dit wellus en seks is wat die oorsaak is – seks en wellus spruit mos uit eros liefde nie die ander liefdes tipes nie?

Miskien verstaan ek die HELE EROS-LIEFDE-KONSEPT TOTAAL verkeerd! Miskien is my vrae nie so relevant soos ek dink nie. Miskien redeneer ek sonder om regtig daaroor na te dink. Ek hoop iemand lees hierdie skrywe en dink nugter daaroor na en kan na my toe terugkom en sê: “ Dis nie heeltemal so kompleks as wat jy dit maak nie! Dis actually heel eenvoudig…die Woord van God sê…”

Wysheid is...?

Wysheid is 'n woordjie wat baie keer koppe laat krap. Wat is dit regtig? Wat beteken dit om wys te wees? 'n ou man van die indiaanse Maya gemeenskap het die volgende daarvan gesê: (en ek vertaal in my beste afrikaans) "Om die ware wysheid te hê is om dinge so eenvoudig moontlik te hou. Hê lief, hê respek vir iemand anders, maak nie saak of hy 'n dronkie op straat is of sommer net hou daarvan om blou hare te hê nie. Hê net bietjie geduld met situasies om jou. Deel bietjie uit rn gee as jy het om te gee. Voel dankie in jou hart, of jy nou gee en of jy ontvang. En my persoonlike favourite = vergewe. Moenie met alles te na gekom voel nie. Vergeet bietjie vir eens dat alles nie net om jouself draai nie. Daar is 'n spreuk wat lui en menigte nie-christen en bybelse manne het dit al gesê: "find your heart and you will find the way!" En ja, dit staan ook in die bybel. Salomo het dit ook gesê.

Interesting thought...

Mark Driscoll once said: "In our godless world, the entire process is inverted and has subsequently

caused much trouble. Young men continue to live at home, freeloading off

their parents as boys who can shave, while they have sex with girlfriends that

they one day may shack up with, and use birth control to prevent pregnancy or

abortion to murder their own child because fools see children as a burden and

not a blessing."

Iets vir Carla!

Mens wonder soms waar jy jouself in haar gedagtes bevind.

Sy vertel graag storietjies oor haarself as babatjie-kind.

(Haar onskuld laat my soms aan Heidi en Peter dink.) 

Dit wat op haar hartjie lê is presies net wat sy sê.

Luister maar fyn,

haar woorde is baie akkuraat, vir iemand so klein.

Met sagte ogies en vleiende wimpers, daag sy jou uit

en wanneer sy slaap, soen ek haar saggies op haar lippies wat so tuit.

My soentjies maak haar nie wakker nie, maar my fluister, hoor sy wel.

“Ek is lief vir jou, pappa se prinses” dis al wat ek haar wil vertel.

Soms is ek dalk onnodig kwaai en my hart afwesig as sy praat,

“Pappa kan ons nog ‘n bietjie TV kyk”, al weet sy dis ‘n bietjie laat.

Jy kan haar omkoop met enige iets wat soet is

en ‘n braaivleisie peusel sy van die been af, asof dit ‘n móét is.

Annie Patat sê vir haar Carlapper 

‘n opgeruimde naam, dis gewis

Sy is almal se favourite

Sy is almal se liefling

Carlappertjie - dis net wie sy is

Op haar eie moet sy wakker word, dit is ‘n moet,

Enige ander manier as dit, moet sy verkieslik nie ‘n nuwe dag begroet.

Haar sagte handjie hou myne vas, voor ons gaan slaap

en as sy eers knus in my arms lê of selfs net aan my raak,

kan ‘n bangmaak-ding maar kom, “my pappa is hier, niks maak nou meer saak!”

Musiek en sy is vir mekaar gemaak

met trippelende voetwerk laat sy enige deuntjie praat.

Op die maat van MusicBox dancer, gee sy my ‘n knop in my keel,

so op haar toontjies, maak dit my die liedjie weer en weer speel.

‘n Fraaie prinses wat draai en draai en draai…

En hoe wyer haar rokkie uit kan swaai,

hoe grooter haar glimlaggie of sommer net ‘n uitbundige lawaai!

Annie Patat sê vir haar Carlapper 

‘n opgeruimde naam, dis gewis

Sy is almal se favourite

Sy is almal se liefling

Carlappertjie - dis net wie sy is

Komplimente oor my mooie kind

sal jy oral waar ons saam is, gou-gou vind.

‘n Blykie van liefde uit God se hand

Dis wie Carla is. My meisiekind!

Die HERE is my "co-driver"

(‘n Psalm van ‘n rally ryer)

Ek jaag verbete hierdie resies, gee pad daarvoor – pasop!

Ek drift tussen bome en klippe deur

en die stof staan verwoed uit die grondpad uit op.

Haarnaald en blinde draaie skrik ons nie af.

Steiltes en opdraendes is vir ons niks.

Want op U aanwysings vertrou ek Here, al dink ek: “nóú is dit tickets”

U laat my stuur – wyd rondom slaggate, deur ‘n doringbos.

‘n Rivier lê wyd en breedt maar ek is vreesloos en gear nie af,

My co-driver het gesê “dis okay”

toe trap ek daai petrol en ek gee hom gas!

En wanneer dit rof raak en die wiel is pap

Sal U nie in die kar bly sit, of die deur toeklap

eerder sorg dat ek die regte tools het om die wiel te ruil.

En die wielspanner by my oorvat as ek lus is om te huil.

Ons klim vol stof en ghries terug in die kajuit

Giggle saam oor ons benoude oomblikke toe ek die kar aansluit.

Sy instruksies volg skielik so duidelik, so akkuraat

En dis al wat vir my nodig is om daai V6 te laat praat.

Met die wenstreep in sig wil ek Sy hand gryp en triomfantlik waai

En sommer uitbundig van blydskap “yeeeehaaaa!!!” uit my maag uit kraai

Maar toe ek afkyk sien ek iets wat my skaam laat kry 

Dis toe allie tyd Hy wat die ou karretjie so vernuftig ry!

Something's missing...

Daar is ‘n vergelyking vir die lewe. Wiskundig nou. Iemand wat al wiskundige vergelykings gedoen het sal weet: links moet balenseer met regs anders werk die vergelyking nie. ‘n Skaal weeg links met regs en as die een kant swaarder as as die ander – balenseer die skaal nie.

Die laaste 3 maande of so balenseer my skaal nie. Iets is missing en die ding val die heeltyd eenkant toe. Verkeerde kant toe. Daar is ‘n secret ingredient waarop ek nie my vinger kan plaas nie. En dis nie iets groot nie, dis baie klein. Dis asof daar net iets simpels soos ‘n donsveertjie kort om die toertjie te laat balenseer.

Die bybel is vol geskryf oor wysheid en hoe dit aangewend moet word om ewewig te bereik. Maar nie almal lees bybel nie. En sommige lees bybel maar kry niks daaruit nie. En sommiges lees net om te sê: “ek lees elke oggend en elke aand bybel” Ha! – en sommige lees bybel as ‘n susmiddel as hulle nie kan slaap nie.

Gelukkig is daar ander maniere om die pad met wysheid te kruis. Om die waarheid te sê jy hoef nog nooit eers van die bybel te gehoor het om wysheid te verstaan nie. Dis iets ontsettend eenvoudig. Dis so eenvoudig dat ongerepte indiane in die diepste oerwoude dit verstaan en toepas. Hoekom moet ons by mense wat “onbeskaafd” is leer oor wysheid? Of wie is nou eintlik die onbeskaafdes hierond? Waar het die fout gekom? Waar het die fout gekom tussen “in die woud leef” en skielik in die beskawing gedompel word. Hoekom is dit dat “wilde” indiane die konsep van wysheid toepas en ons “beskaafde” mense dit nie verstaan nie?

‘n Ou Maya gerespekteerde (‘n indiaanstam van SuidAmerika) het die volgende gesê oor wysheid: “The greatest wisdom is in SIMPLICITY. Love, respect, tolerance, sharing, gratitude, forgivness. It’s not complex or elaborate. The real knowledge is free. It’s encoded in your DNA. All you need, is within you. Great teachers have said that from the beginning. Find your heart, and you will find your way.”

Kan dit wees dat hierdie indiane God beter ken as ons? En weet hulle ooit dat hulle God ken? Die wysheid waarvan hy hier praat is in ons in geprogrammeer ten tyde van die skepping. Die dag toe God besluit het op die konsep van “mens”en die blueprint daarvoor uitgerol het, was dit die kern van Sy ontwerp. Om Hom en mense om ons lief te hê, te verdra te vergewe en altyd dankie te sê aan Hom wat ons ontwerp het en in die lewe ingeblaas het. Mens is jy mens, of jy nou ‘n wilde indiaan of Donald Trump is. Jy share dieselfde DNA. Daarom het ongerepte mense ook wysheid. Omdat dit ingeprogrammeer is. Dit is dus nie nodig om net bybel te lees om wysheid te bekom nie. Die DNA om wysheid te omhels is reeds daar. En deur jare se ondervinding van dit wat om jou aangaan maak jy jou besluite en se jy jou segge omdit so wys as moontlik te hou. Die ander kant is ook natuurlik waar. Mense kies soms om die voorbeeld van die onwyses te volg omdat dit op daardie oomblik “lekker” en “in” lyk. Jy sal omtrent 99% van die tyd die negatiewe gevolge dra van onwyse besluite.

Wilde bebosde indiane laat my dink aan hoe dit heel in die begin moes wees. As natnuwe mense moes Adam en Eva seer sekerlik nie eers gekonsentreer het om wys te wees nie. Dit was net eenvoudig deel van hulle menswees. Die eenvoudigheid van hulle verhouding met God moes iets ongehoords gewees het. Dit moes die tipe verhouding gewees het waarna miljoene “so-called” christene deesdae na smag maar nie by uitkom nie agv onwyse besluite, en niks anders nie as groepsdruk. Hierdie twee dinge kompliseer die wereld en jou verhouding met God radikaal! En by groepsdruk sluit ek die satan en bosemagte in. Mense vra nie meer vrae nie. Mense leef net. Mense wil nie meer weet van hoe hulle moet maak nie. Mense wil nie gesê word nie. Almal doen sy eie ding. En kerke ook for that matter. Elkeen glo dat hy in die waarheid glo!

Okay – Adam en Eva: ek wil hulle vir ‘n oomblik met wilde diere vergelyk. Of nee, dit klink te veel Darwinisties… Okay – kom ons bly met wilde indiane:

Hulle dagtaak bestaan uit opstaan wanneer ‘n mens veronderstel is om op te staan – wanneer die son opkom (as dit lig is) anders sou ons darrem seker met “night vision” uitgekom het. Daar is nie sprake van “ons MOET half sewe ry anders is ons laat vir werk nie”  Die omgewing bepaal wanneer hulle wat moet doen. Hulle skep water as die krokodil op die wal se maag vol gevreet is. Hulle jag bokkies in die laat dag wanneer die bokkies lui is… Ens. Soms is daar nie geluk met die jagtery nie en die aandete is dalk net ‘n vrug of twee. Maar hulle panic nie daaroor nie. Hulle AANVAAR hulle omstandighede. (Dis asof hulle weet God sorg vir hulle). Die beste nog is:  Niemand slaap bymekaar se vrouens of bymekaar nie. Niemand steel mekaar se goed nie. Niemand maak mekaar dood nie. En as hulle in die aand om die vuur dans en hulle voorvaders aanbid, doen hulle dit met OORGAWE! En steeds word hulle wyser deur die jare. Ondervinding maak hulle wys. Die ondervinding word opgedoen deur wat elke dag om hulle gebeur. Die gebeure is dus leersaam. Die beste is dat uit alles wat gebeur het behou hulle die goeie as ‘n les geleer. Dit word gefile en elke keer as die selfde of soortgelyke situasie hom voor doen word die file getrek vir verwysing. En eendag as hulle oud is, is al die files saamgebind in een groot hoop wysheid. In hulle eenvoud leer hulle en versamel wysheid.

Hoekom doen ons nie dieselfde nie? Wie is bereid om sy kar te verruil vir sy voete? Sy huis te verruil vir ‘n hut? Sy JEEP klere te verruil vir ‘n gatvelletjie? Sy skaars vakansies te verruil vir die permanente outdoors? Hoekom dit doen? Om terug te kom aarde toe en te ondervind dit wat ons jaaaare terug verloor het. Die eenvoud van mens wees. Die eenvoud van verhoudings met jou kinders en vrou. Die eenvoud van verhoudings met jou vriende en omgewing. Die eenvoud van verhouding met God. Ons wil soms direk opspring na ‘n vlak 10 verhouding met God sonder om eers die basics reg te kry. Sonder om eers jou God te geniet! Dink net, as daar nie iets soos verkeerd was nie. Alles was reg. Geen bose dinge of die moontlikheid dat jy kan oortree nie, bestaan nie. Alles wat jy doen is fine. Onthou, jy het ook nie keuses om te maak nie. Keuses tussen wat reg en verkeerd is nie. Dis net alles neutraal. Skielik het jy tyd vir alles. Jy’t tyd vir God. Tyd om kruisbeen te sit en met mekaar en met Hom te gesels. Jy hoef nie te ‘repent’ nie want daar is niks wat jy kon verkeerd doen nie. Jy hoef nie self te sterf en jou kruis te dra nie want daar is nie verkeerde opsies nie. Wysheid is dan obsoluut…Jy is elke oomblik in God se teenwoordigheid, die bron van alle wysheid. Die God wat wysheid in jou DNA geskryf het. Die wysheid wat in jou hart tot ‘n stofdeeltjie gekwyn het agv ‘n onwyse besluit. Ons het ALLES gehad en ek meen ALLES. Maar toe “dink” ons mos. Ons dink wat sou gebeur as… In plaas daarvan om net te wees. Net asem te haal.

Volgens talle mense se voorspellings oor 2012  Desember 21ste gaan die wêreld of vergaan of in ‘n baie groot mate groot veranderinge ondergaan. Dit kan enige iets wees. Van die koms van Jesus tot en met die wêreld wat letterlik gaan ontplof! Pooof! En alles is gone! Die nuutste oor hierdie sakie is dat die Maya kalenders (daar is baie) verkeerd geinterpreteer is. Dit dui glo op ‘major’ transformasie. Verandering. Bv. Materialisme gaan seerkry. Mens gaan nie geken word aan of hy geld het of nie maar aan sy menswees. Is hy liefdevol en wys?  Kan hy regtig doen wat hy gesê het hy kan doen as Christen. Die mens gaan moet afkom aarde toe. Of dit nou agv ‘n “solar energy burst” is en of God grootendeels gaan ingryp met publieke bonatuurlike fenomene en tekens en wonders. (Ek sal persoonlik van die tweede een hou). Watookal kan of nie gaan gebeur nie, lig gaan val op baie dinge wat voorheen verborge was ( Soos in Jesaja 48:6-7 my skrif aan Harvester Reformational Church Olifantsriviervallei ) en nuwe dinge wat ons nie ken nie sal opspring! Die mense gaan aan materialisme wil vasklou want die ou dinge het vir hulle goed gewerk. Maar die nuwe sal onafwendbaar wees. (my droom oor die “brug”) Die eenvoud van die mens se hart sal ‘ultimatley’ die deurbraak gee. En die bereidheid om die kans te vat en te stap. Baie van hierdie dinge sal op geestelike vlak by mense gebeur. Daarom moet ons geestelik gevoed wees en versterk wees vir eendag as ons daarop moet staatmaak.  

Ek voel dit al lankal in my hart dat hierdie jaar 2012, anders gaan wees. Ek is oor hierdie andersheid baie opgewonde juis omdat dit onbekend is. Dis soos ‘n presentjie. Daar is baie negatiewe konneksies hieraan want baie negatiewe dinge staan op die afgrond en wag net om ‘n klein bietjie van agter af gestamp te word. Maar dis die positiewe dinge waaraan ek dink. Dis dit wat my opgewonde maak. Orals waar jy luister is mense besig om positiewe dinge oor 2012 te spreek. Ek hou veral van die profesië dat God weer soos in die ou testament “public” kan gaan! Die bo-natuurlike dalk natuurlik kan word op plekke waar jy dit die minste sal verwag. Ons is die laaste paar jaar deur revival jare. Dis die MINSTE wat ek verwag van hierdie jaar. REVIVAL in mense se harte en in die wereld. Nuwe dinge. Groot dinge! Elke persoon gaan bepaal wat jy hieruit gaan kry deur eenvoudig en opreg daarna te vra.

Hoekom en hoekom nie.

Hoekom is daar so ‘n drang om van die beste ding wat nog ooit met mens kon gebeur LOS te kom. Hoekom wil mens weg beur van die enigste LIEFDE wat LEWE gee om liefdeloosheid te ondersteun?????

Dis asof hierdie wêreldse mens en gees beur met alles wat hy het om homself uit te skeur en bevry van die houvas wat die ware lewe en Gees op hom het. Wat gaan aan? HOEKOM? Die lewe wat hierdie mens die afgelope jaar beleef het was een van oorvloed en vergenoegdheid. En nou – nou hierdie gemors wat weer sy vuil gesig wys. Is dit inherent wie hy is en is die masker besig om af te val?

Ek weet jy kan nie - soos Johnny Louw gesê het “ont-kind” word, as ek eers eenmaal ‘n kind van die Allerheiligste en Allerhoogste God is nie. As jy gered is is jy gered – of nie? Of is jou vrye wil DIT wat jou wil lewendig verslind soos ‘n pak wildehonde. Hoe is dit dan dat jou vrye wil soveel beheer en MAG het om jou van die liefde van ‘n VERLOSSER te kan skei?

Die ergste ding dan met die wegbreek slag, die moment wat jy gedink het nou is jy vry van God se houvas – op daardie oomblik voel jy plat geslaan ipv vry. Platgeslaan om te dink wat jy nounet gedoen het is nie wat jy REGTIG wou doen nie. Dis nie wie en wat jy wil wees nie. Nie eers bietjie nie. Net in SY arms – dis al waar jy wil wees – as jy mooi daarna dink – dis al waar jy KAN wees!

Equilibrium

Equilibrium – what a beautiful word – just the sound of it makes me feel peaceful. Everything hangs perfectly suspended in the air, weightlessness and total freedom. No external or internal powers working in on anything at all. No tugging no pushing and shoving, no friction and no conflict of any sort – everything is just stable. 

All is just hanging free - totally free.

I sometimes imagine how it must feel to be able to fly. Without any machine or rocket or wings – just hovering or sailing on a gentle breeze. This total freedom that is above, under, around and even in you, must be so intensely liberating. This must be the feeling you get when you decide to make room for Jesus in your heart and when He settles in you. His Spirit frees you from everything thinkable and unthinkable. There is no self. No flesh. Just the Spirit and only Spirit. The tranquility is bliss. Even though the world around you is busy imploding on you as a result of all the immense pressure of all kinds of sin, you are at peace and experience joy out of every moment.

The thing is: So many books and articles to read, so many sermons, so many messages and teachings to listen to. They are all opinions – some led by the Spirit and some led by the own flesh with some kind of hidden agenda.

Somewhere there need to be harmony, where all these loose ends can meet. Like one of my facebook friends once said on her status updates: “Out beyond any ideas of wrongdoing and right doing – there is a field – I’ll meet you there. “ Yes, where the playing field is level and nobody is right or wrong – even if it is for just a moment. Just being there at that moment, should bring a kind of satisfactory equilibrium.

Think of an old authentic scale which you need to adjust the counterweight on the crossbar to seek that perfect spot where both sides balances. In life, the flesh, always have to make fine adjustments on the crossbar in order to try and obtain that perfect spot. That spot where something outrageously huge and heavy weighs the same as something infinitely small and light. There is a certain point or moment where you will find this “magic” spot. It’s not easy finding this spot and can take some time with a lot of small adjustments and even then there is no perfect balance. The discipline and focus trying to balance the two sides is no joke. It requires all your concentration on one single place. It needs to be so intense that NOTHING, not even a bomb exploding next to you, should distract you, otherwise the scale tip to the one side and you’ll have to start all over again.  

This crucial spot where everything balances out, is exactly the spot where Jesus likes to be. He loves being in your perfect spot. He loves taking the little counterweight on the crossbar and maneuvers it to complete equilibrium. He does this with so much ease, He doesn’t even frown. This is who He is, He restores the balance in relationships and He restores the balance in our chaotic lives. He needs our cooperation though. Cooperation in the sense of being still. Quiet. No sound, just breathe and let go. Any attempt from us to help the scale to balance will result in overkill and the scale will tip over causing Him to start over again. He is perfectly capable to restore the balance - as we read in Isa 40:12. God knows how to handle a scale. He has measured and weighed the hills and the mountains of the earth to perfection. He can measure and weigh our lives and bring it to perfect equilibrium.